9.03.2016

damgo sulod sa damgo


Sa akong paghigawas sa langob sa mga damgo nabatyagan ko nga ang akong lawas naputos sa itom nga mga alibangbang. Gikan sa akong tiilan tagsa-tagsa silang mialibwag ug dagit ang gisul-ob kong anino inanay silang natunaw sa kahayag. Gibiyaan nila ako nga dili makapanalipod sa kaugalingon: dili makalihok, dili makasulti, walay pangalan, walay gibati nga kalipay o kasakit.


-- VICENTE VIVENCIO BANDILLO                                                                                                     Dhaka, Bangladesh

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.