1.15.2017

saxophone sa nag-alindasayng kagabhion


Huypon ko kini...
          Samtang aduna pa’y hangin
          Kining gaaliwasang saloma---
          Samtang aduna pa’y alak
          Ang mga kopita
          Sa nag-inusarang pagtagay.

Huypon ko kini...
        Kay buot kong pahilakon
        Kining negligee nga kagabhion--
        Kay buot kong ipabati
        Ang mga pangindahay
        Sa nangluod nga salimuang.

Huypon ko kini...
          Aron ihagawhaw ko kanimo
          Kining halandumong sonata---
          Adunay mga pangagho
          Nga mahisalaag magkinto
          Taliwala kanato sa tago.


-- MELQUIADITO M. ALLEGO                                                                                                                    Lake City, Florida, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.