6.16.2010

awit dihang wa’y timik ang mga gangis
















Mokagiw palayo ang hangin
Gani mohunong ang mga balod
pagtuya-tuya. Unya takulahaw
Ang mga kinana-as mahanaw.

Didto sa kawanangan
Maglutaw ang tubig-ulan
Modumili sa paghagwa
Sa yuta. Bisan ang adlaw
Dili gyod mopatim-aw.

Ingon niani ang tanan, pinangga.
Sa higayon nga motakilid ko,
wala ka nga akong hinol-hinolon.


-- GINA MANTUA-PANES
Cebu City, Philippines
at

6 comments:

  1. MJune 16, 2010 at 4:26 PM

    haylohon ko siyang mobalik
    aron imong hinolhinolon
    sa imong pagtakilid
    pagtikulob
    paghayang
    tanan molihok
    motapya
    tap

    -mananambalak

    ReplyDelete
  2. ginamantua-panesJune 17, 2010 at 1:10 AM

    nyor mel,
    hahaha. salamat sa comment. salamat sa pag-ari sa Cebu. salamat sa libreng paniudto ug red wine.

    ayo-ayo,
    gina

    ReplyDelete
  3. MJune 17, 2010 at 2:14 AM

    gina,

    way sapayan.
    kay nasud-ong tikag personal gayod
    di na ko mohanduraw kanimo
    dinhi ning akong langit

    nyormel

    ReplyDelete
  4. MJune 18, 2010 at 4:46 PM

    gina.

    di na kinahanglang mohanduraw pa
    gikulit na ning panumdoman
    nagtagay og red wine atbang kanako
    tinugtan ni lolo menes

    -mananambalak

    ReplyDelete
  5. ginamantua-panesJune 19, 2010 at 2:03 AM

    nyor mel,

    sa gihapon salamat sa imong pagtugot. itugway ko pa gihapon ayawat makaabot sa inyong tunaan.

    gina

    ReplyDelete
  6. MJune 22, 2010 at 2:48 PM

    ang tunaan
    lagkit
    namilitpilit
    agulo awit
    lapok
    mohamok
    kakatol kagilok

    -mananambalak

    ReplyDelete