walo ka senryu sa balay ni belay libat

1.

Abohan uga.
Gilayatan sa tuko,
haw-ang tikangkang.

2.

Haligi gabok.
Nanurok mga anay,
agay-ay buhagay.

3.

Ang atop gaay.
Gisakdapan sa sayaw,
nipa nalaksi.

4.

Bungbong salimbong.
Kalit ang dugdog-kilat,
mipiti ang liki.

5.

Bukag giduyan.
Ug gikawras sa iring,
t’yabaw sa itoy.

6.

Hagdan lapokon.
Kanhi estambayanan,
na, naglagaak.

7.

Pinggan basiyo.
Gihap-an sa kamingaw,
sug-ang kahaw-ang.

8.

Bintana libat.
Bisagra nangahibat,
taya nanglupad.

-- NOEL RAMA

Clinton, Maryland, USA