Bitbit ang sapatos nga taas og takung,
ang maguwang sa bintana misuong.
Ang manghod nga gapaasu abtik
nga mitago sa iyang mga nilikit
pagkabantay nga may aninong mitabok.
Nanghupong sa katambok, ang inahan
dali ra nga nakatagpilaw human
matintal og tilaw sa gihumba nga baboy.
Ug ang amahan mipahipi og kihat
sa katabang nga milugwa sa banyo.
-- ADONIS G. DURADO
Bangkok, Thailand
No comments:
Post a Comment