nikatol ang kuan

Pastilan!
Katol kaayo kining akong kuan
Matag tumaw sa takdol nga bulan
Sigon pa sa katigulangan
Basin kuno'g ako gibarang

Pastilan!
Ngulngol ang katol nga nitakdol
Ang iyang paak, la og suol
Ang akong inahan naguol
Angay kuno nakong ihinulsol

Ang tanan nga mga kalapasan
Niining akong kuan
Nga adunay bisita kada buwan

Pastilan!
Kutob ra baya siya
sa akong pantawan.


-- MARIA VICTORIA BELTRAN
Cebu City, Philippines