ang balak nga gikulit sa sabon

Samtang nagpaabot siya,
Nga mapuno og tubig iyang planggana,
nagkuha siya'g tukog
Ug nagkulit og balak
Sa bareta nga sabon.
Iya kaning giulohan
Og "Kaputli."
Tungod sa kaisog sa sabon
Iyang kamot namaksi.
Wa na'y nabilin sa bareta.
Pagkahuman niya og laba,
Apil ang balak nga iyang gikulit
Nahilis sa tubig.
Ang bugtong handumanan
Sa sabon ug balak
Mao ang puti nga mga bisti
Nga nagsayaw-sayaw sa alambri.


-- BAL MARSIUS VALDEHUEZA
Cebu City, Philippines