ang lugod; o, pahimangno kang kumare

Mare ko, sa sunod
Kong kinabuhi, gusto kong mobalik isip lugod.
Kalalim kaha god
Kon sa imong bilahan imo kong inudnod, ibanggod, ikagod
Sama sa hait-hait nga simod
Sa butakal mong uyab nga tua, nagpanikad na sa sulod
Sa kwarto, nagkalingawg hinolhinol sa hubag niyang unod,
Nag-alburoto kay gusto nang mokiyod.
Pagmatngon lang gyod,
Ha? Kay kon masakpan kang pareko, imong dila ray way labod.


-- VICENTE VIVENCIO BANDILLO
Dubai, United Arab Emirates