ang pagsamuksamok ni kamatayan

Usa ka adlaw ana,
nangotana si Kamatayan:
Kinsa si Kinabuhi para nimo?

Nakahinumdom ko
sa kape nga akong gitimpla,
gihimong sumsoman
sa balita nga gilala
sa akong mg mata:
Tindero'g balot giluba.

Si Kamatayan, sa makausa pa,
nanggitik og hunghong sa akong dunggan:
Kinsa si Kinabuhi para nimo?

Gipunit nako
Ang tasa sa kape:
ang kahumot niini
nakighilawas sa akong dila:
init, tam-is, pait...


-- JONA B. BERING
Tuburan, Cebu, Philippines