iring sungkaban

Ayaw pagpataka
Pagbilin sa inyong mga bahaw
Dinha ibabaw
Sa lamesang naglutaw

Ayaw pagdanghag
Ug dayon pagsinghag
Sa iring sungkaban
Nga nag-atang sa pantalan

Kay kining naglatagaw
Nga binuhi sa adlawa
Kining inatay
Nga sa pantawan nilatay

Nabuhi kini, pinaagi
Sa pagtataw
Sa mga tawong natulog
Kay nakigdulog

Sa hagok sa buwan
Ug sa parayeg
Sa irong uwagan.


-- MARIA VICTORIA BELTRAN
Cebu City, Philippines