sydney opera house

Usa ka gabii
Sa talad kan-anan sa arkitekto
Iyang gihiwahiwa sa ka-upat ang usa ka itlog nga parat
Iyang gipakita ang unod ug panit sa structural engineer
Nagkuha ang engineer sa lapis og papel
Ug iyang gihulagway ang napikas nga lingin nga yellow
Daw nag-ingon nga dako kining tunga nga zero
Ug iyang gitadlas ang nipis nga mga kabhang sa panit
Alang sa pagpangita sa ultimate stress
Ug gibaybay ang mga parabola sa kurba sa mga badlis
Sa maidlot nga mga diagonal stress
Ug ang humok nga equally distributed forces
Ug ang panagbangi sa compressive and tensile stress
Ug ilang gibana-bana ang thermal pressure
Nga mobunal sa kainit sa panit sa itlog nga puti
Ug tibook gabii nanglupad ang precise nga mga analysis
Ug mga badlis sa hulagway shear and moment stress
Og pagkabuntag nanugpa ang mga tubag
Didto sa unom ka mga puting papel
Sa akrobatikong panaghabal sa mga thin shells!

-- LEO BOB FLORES

Bukit Batok, Singapore