tulo ka posibilidad

Maanyag, kon tug-anan ko ikaw
Nga ako nahigugma kanimo
Tulo ka posibilidad
Ang mahimo
Kong paabuton.
Una, imong itugyan kanako
Ang sama mong pagbati.
Ikaduha, imo akong kataw-an
Kay alang kanimo
Usa man lang ka tiaw
Kining atong pagpanagtagbo.
Ug ikatulo, di mo lang tagdon
Ang akong gipamulong
Ug magpabilin kang halayo
Uban sa gihangad kong
Mga bituon.

-- URIAS A. ALMAGRO, M.D.
New Berlin, Wisconsin, U.S.A.