ang makabuak sa kahilom sa gugma

“Dili ang linahugay sa dalugdog, buto, lagatik,
siyagit, aguroy, uwang
ang makabuak sa kahilom sa gugma.”
-- Karla Quimsing

Ang kahilom nga dili ko pa ikabungat
Maoy makabuak sa kahilom sa gugma.
Sama kahilom sa kahiladman sa dagat
Ang kahilom nga dili ko pa ikabungat.
Hulata ang pasiklap kong sama sa kilat,
Pahiyom kong mobatog sa imong katawa—
Ang kahilom nga dili ko pa ikabungat
Maoy makabuak sa kahilom sa gugma.

-- VICENTE VIVENCIO BANDILLO
Dubai, United Arab Emirates