romansalida

Kutas kaayo ang mga talan-awon diha sa telon:
Sinagpaay, sinumbagay, pinusilay, dinunggabay.
Apan bisan unsa pang matang sa kapintas lakip
Ang kurat lahos sa kigol tungod sa mga aliwas,

Abat ug multo--nanamin sa kalibotang’ mopatindog
Bisan sa bulbol--di ko mopiyong. Molingiw pod ko

Sa mga ngiob nga dapit diin gakitiw ang mga kamot
Ug gadanlog gyod ang mga dila, ngabil, ug panit

Sa mga parisan sa suok. Kalit silang mag-ukang,
Makugang sa sabwag nga kahayag sa kataposan.


-- MICHAEL U. OBENIETA
Topeka, Kansas, USA