canogon*

Si Noy Molong
Tua na, nagpadulong
Sa dalan nga kitang tanan
Moadto, di lang hibaw-an

Kaniadto-
Kini si Manoy pusturaw
Tuck-in pirmi ang t-shirt
Bisan og walay nabingwit

Iyang dughan
Uyamot, gama sa bulawan
Kay bisag walay sulod iyang bulsa
Makadawat man gihapon kog gasa

Karon, ako nangaliya
Nga dili siya
Magpakabungol ug magpakabuta
Kay aduna koy hangyo niya.

Noy, Ipadala ra god
Ang gayuma ug birtod
Kay kining akong uyab
Sa akong atubangan nanghuy-ab.

_____________________________________________________
*Canogon: Funeral song praising the dead or petitioning him for a supernatural favor

-- MARIA VICTORIA BELTRAN
Cebu City, Philippines