himatngon

nahikatulog ako taliwala
sa kabalaka nga gisakmit
sa malinglahong hangin
ang dunghay mong buhok
sa mikuyanap nga kangitngit
milanog ang imong katawa
sa kanhiayng kagabhion
nga gidamgo ko karon
bugnawng sapasapa
nga midagayday paingon
sa lilo sa akong alimpatakan
tin-awng tamboanan
sa way timik nga talan-awon
paingon sa banagbanag


-- VICENTE VIVENCIO BANDILLO
Dubai, United Arab Emirates