hinapnig

Matod mo, ang gisaw-an tang sala
dili sama sa kaban nga kon buksan,
makita ang atong gugma
nga nahiluna daw hinapnig nga inutaw.

Tinuod, dili ang gisaw-an ta
maoy sama sa kaban nga kon buksan,
makita ang atong gugma
nga nahiluna daw hinapnig nga inutaw.

Ang atong kasingkasing maoy sama
sa kaban nga kon buksan,
makita ang atong gugma
nga nahiluna daw hinapnig nga inutaw.

Ang atong kasingkasing
maoy kaban nga kon buksan,
makita nga dili sala ang gisaw-an tang gugma
nga nahiluna daw hinapnig nga inutaw.

-- VICENTE VIVENCIO BANDILLO

Dubai, United Arab Emirates