Di lagi ko mosukol nimo.
Kadako nimo. Kagamay nako.
Puti na lagi ko'g itlog.
Ayaw na sige'g panghambog diha.
Nibahag, kon nibahag man kaha ang akong ikog.
Bahala na ka ana.
Pero mosuway gani ka'g hamag diri,
Makatilaw gyod ka'g kunis-kunis.
Balihon gyod ko nang nawng mo.
Ipuli tika anang posteng giugbok sa tindahan.
Kay ngano?
Nanghambog ka anang gidak-on sa imong lawas?
Di ni makurat bisan pakapinan pa nimo'g pilopilo sa Batangas.
Di ni mokurog.
Nagtuo diay ka'ng magpatara lang ko?
Nagtuo diay ka'ng magpiyong lang kong moatubang
sa imong kinumong maghadyong?
Ayaw na lang gani ta. Ayaw gyod ko hagita.
Ayaw ko hadloka anang imong patigastigas,
Kay kining akong bawos, wala ni giila bisan kinsang aliwas.
Hamag diri.
Tan-awon ta'g di ba ka mamunit's tipaka sa imong lawas.
Sige, maigo gani ko anang imong giwarawara'ng hinagiban,
Ayaw gyod pagmahay.
Kagon gyod tika buanga ka.
-- GREG A. FERNANDEZ
Cebu City, Philippines
No comments:
Post a Comment