lux et tenebrae

Ang akong pagdawat nga ikaw
wala na
mao ang lamdag nga naghatag
og hulma sa mga butang makita.
Sulod sa hamugaway nga lawak
sa akong alimpatakan
gihulat ko ang banagbanag.
Kon mapuno na ang akong mga mata
sa kahayag,
wala nay anino nga mahimong magpabilin.
Mag-uban na usab kita
ug dili na magkabulag pa.

-- VICENTE VIVENCIO BANDILLO

Dubai, United Arab Emirates