mangingisda ang akong bana

Molarga na sab imong barkong ahat
Padulong sa alimpulo sa dagat
Nga kanimo kanunay nangaghat
Lapas sa lapad nga pagatpat

Biyaan na usab nimo kining isla
Nga walay motubo nga patola
Ug kining higante nga parola
Nga dinhi sa ato mao ray bala

Batok sa tiaw ning kinaiyahan
Ug mga libaong ning kadalanan
Nga mora og imong gidaganan
Kay sa taliwala niining tanan

Unom ka bulan na usab ang molabay
Usa nako madunggan ang imong talidhay
Kay ikaw gustong mokapay-kapay
Ug sa mga isda makig-indigay

Inig pauli ra ba nimo sa atua
Wala man gihapon kay dala nga kwarta
Ang imo rang mga istorya
Ug panit nga morag giprito nga maruya.


-- MARIA VICTORIA BELTRAN
Cebu City, Philippines