siday*

Dili na ko maghulat
Nga ikaw mokatkat
Sa punoan sa panganod
Ug sa bitoon maanod.
Kahinumdum ko kaniadto-
Nga magluto kag paniudto,
Moplantsa sa akong sinina
Samtang nag-inom og bahalina
Ining pasiplat ni Mama
Kang kinsa ikaw nagayuma.
Buot pasabot, ako manilhig,
Manghipos sa akong banig.
Magdugo imong kasingkasing
Kay gusto kong magdula sa hangin.
Tubson nimo ang akong trabaho
Ug sa suba ako naengganyo.

Pagtungtong nako sa hayskol
Ikaw naluya ug nagguol
Kay ang imong paboritong anak
Posible nga ning kalibotan mopaak.
Nasaag ko niining dalan.
Wala ko nimo gipasagdan.
Ug niabot na gayod ang panahon
Nga kanako ikaw magmalipayon.

_______________________
*Siday: Eulogy to a living person

-- MARIA VICTORIA BELTRAN

Cebu City, Philippines