basura

Ang mga basura, matod pa ni Wislawa Szymborska,
way gipanag-iyang pagpakaaron-ingnon. Ang imo
kanilang hikit-an mao ang tanang buot mong hisayran.
Kay unsa pa may puston sa kinumot nga mga papel, unsa
pa may isul-ob sa mga tinabas sa panapton, unsa pa may
tahion o bugkosan sa putolputol nga mga hilo, pisi ug
mga laso? Maski, ang mga bukog wa nay laing mahibilin
gawas sa ilang pagkauga, kay human na man kan-a ang
mga unod nga kanhi nagtapot kanila. Ug ang mga gising
retrato ug buak nga mga bildo wa nay hiilhan pang
mga nawong ug mga hulagway nga kanhi ilang gikwadro.
… Usahay, akong mapalandong nga ang butang nga
angayan tang kahadlokan dili tingali mao ang kamatayon,
kondili ang higayon nga mahimo kitang sama sa mga basura.


-- URIAS A. ALMAGRO, M.D.
New Berlin, Wisconsin, USA