daman sa batang gihilantan

kabayo nga gipapitlag
mga gihay sa rosas
natagak gikan sa kisame
nag-iktin-iktin sa kwarto
moburot unya mohiyos
nagsinaw nagbulabula
sa tubig nga de-kolor
nagsibya sa takna
morag ang tuko
ang lawas kon masakit
dulot sa bukog
ang hunahana maangin
gikan sa ulo lahos sa ikog
ang hunahuna mangalisbo
manimahong ihi ug laway
manimahong panimalay
nag-uylap nga bukton
sa nag-uylap nga dughan
di ko kadaog
di ko kapiog
sa habol nga umog


-- VICENTE VIVENCIO BANDILLO
Dubai, United Arab Emirates