Nagdamgo ako og mga sirina. Labihang kaputi
Sa taliwala sa bughaw’ng lawod. Nanagduladula,
Nagporma ug gagmay’ng mga circulo –
Ang ilang mga bukton ug mga ikog nagkapaykapay
Sama sa usa ka synchronized dancing.
Sa dakung kahadlok kusog akong milangoy
Padulong sa kinadul-ang mamala. Ug unya
Sa katapusan kong paglingi ako pang nabati
Ang ilang mga pagtawag, ug akong nakita
Ang nanagkaway nilang mga kamot
Nga inanay’ng gisalipdan
Sa giwalis nga kortina sa akong paghigmata.
-- URIAS A. ALMAGRO, M.D.
New Berlin, Wisconsin, USA
No comments:
Post a Comment