gray, blue, brown

Mga bulok nga akong paborito.
Mga bulok nga akong gisul-ob.
Mga bulok sa mga mata.

Gray--
Bulok sa utlanan
Sa itom ug puti. Bulok sa pagduhaduha.
Bulok sa aso.
Bulok sa asero.
Bulok sa hulga sa langit
Sa giipon niyang ulan.

Blue--
Bulok sa kalinaw. Sa langit
Nga way naghasol nga mga panganod.
Bulok sa layo ug lalom nga kalawran.
Bulok sa kamatuoran.
Bulok sa labing mga pinili.
Bulok usab sa mga bun-og ug sa kasub-anan.

Brown--
Bulok sa yuta.
Bulok ning akong panit.

-- URIAS A. ALMAGRO, M.D.
New Berlin, Wisconsin, USA