gugmang 1/2

Nakit-an ko siya'ng gasuksok
Sa suok sa lawak, gapungko.
Niduol ko, ug sama sa tawo

nga nakasal-ag sa gisundan niyang

Telenobela, nangutana ko

Nganong naghilak siya.
Nindot kaayo siya paminawon
Sa pagsugod niya sa iyang sugilanon
Apan sa iyang pagpadayon
Iyang tingog nagkahagashas.
Iyang tutonlan mora'g duha ra'y kwerdas.
Wala nako to panumbalinga
Kay akong mata human nang gilugit
Sa iyang panit. Dako lang nakong kahiubos,
Kay sa dihang gitrapuhan nako
Ang iyang mga matang tin-aw pa'y anuos,
Ang akong panyo nabuslot,
Ug ang akong kamot nangunot.


-- BAL MARSIUS L. VALDEHUEZA
Cebu City, Philippines