gunit

… and the lesson of poetry is that life is beautiful
but you’re going to die.
-- Billy Collins

















Gunit. Sa banagbanag ug sa pagsalop.
Sa mga pagbuka ug sa mga pagpiyong.
Sa mga bakak ug sa mga kamatuoran.
Sa mga pahiyom ug sa mga pagyam-id.
Sa mga talidhay ug sa mga pagbakho.
Gunit. Sa mga pangandoy ug mga damgo.
Sa kahumot sa rosa nga imong gihanggap
Sa daplin sa mga dalan nga imong giagian.
Gunit. Sa nindot nga mga linya
Sa gihigugma mong mga balak.
Gunit. Sa mga kamot. Gunit gyud. Sa kinabuhi.


-- URIAS A. ALMAGRO, M.D.
New Berlin, Wisconsin, USA