hagawhaw sa kahilom

Aron maangkon ta ang kagabhion
Daplin sa baybayon
Ubos sa wa-hiilhing mga bituon
Nga gihan-ay sa kahilom
Ug ang asul nga hangin
Ang parat nga kahayag
Nga midahili sa imong aping
Gisapwang ko sama sa hagawhaw
Sa akong mga kamot
Nga naghupot og uban pang mga tinagoan
Matag karon ug unya
Ang dalan nga gilakdan sa mga anino
Nga atong gibiyaan
Alang sa ubang managdinamgohay
Nga atong gibiyaan
Ang dalan nga gilakdan sa mga anino
Matag karon ug unya
Nga naghupot og uban pang mga tinagoan
Sa akong mga kamot
Gisapwang ko sama sa hagawhaw
Nga midahili sa imong aping
Ang parat nga kahayag
Ug ang asul nga hangin
Nga gihan-ay sa kahilom
Ubos sa wa-hiilhing mga bituon
Daplin sa baybayon
Aron maangkon ta ang kagabhion


-- VICENTE VIVENCIO BANDILLO
Dubai, United Arab Emirates