sa pagsayaw nako sa imong atubangan

"Di ko ganahag burikat
nga daghag patik."
-- Adonis G. Durado













Pagtukar sa alegre nga sonata
Samtang naglingkod tang duha
Nikiay ang akong hawak
Ug nisabat ang bilyakong uwak

Imo kong gisangpit
Nga moindak duyog sa awit
Gidawat nako ang imong hagit
Samtang ang akong kalag nisyagit

Ang akong kamot nilihok
Ug ikaw nahadlok
Imo kong gibayaran
Samtang ako nagdayandayan

Kay kining akong patik
Kanimo nigitik.
Matod mo, daghang salamat
Walay sapayan, akong himamat.


-- MARIA VICTORIA BELTRAN
Cebu City, Philippines