tinagidyot nga panultihon ni inday

Diyutay niining kamingaw
Diyutay nianang panghupaw
Apan wala’y bisan diyutay nga katugnaw
Kay kita kahibalo maghulat sa adlaw
Bisan pa wala’y silaw nga motilap sa bangaw

Diyutay niining pag-antos
Diyutay nianang pagbugkos sa kahapdos
Apan wala’y bisan diyutay nga pagbasol
Kay kita kahibalo man pud mangita og ginamos
Bisan pa ang tanan mobalikos

Diyutay niining mirisi
Diyutay nianang kapintas
Apan wala’y bisan diyutay nga pakyas
Kay kita kahibalo magpadayon
Bisan nahimong aliwas ang atong kapikas


-- CINDY VELASQUEZ
Labangon, Cebu City, Philippines