bulad

“Ayaw pagpugsa
Kon walay musa…”
-- Melquiadito M. Allego
















Kinsay makahusga sa kalidad
Niining akong balak nga giladlad?
Kinsay makaako sa pagbalibad
Ning gikan sa kasingkasing gihubad?
Kinsa’y makahatag og kantidad
Sa mga pulong gipugos pagbukhad?

Ang musa ra man tingali.
Atua, nilakaw kay maniudto.
O, dili ba kaha mao mismo ang bulad
Nga akong gikaon ug giusap,
Gitulon sa tutunlan nga nagkarat.


-- MARIA VICTORIA BELTRAN
Cebu City, Philippines