kahayag

Alang sa gamayng’ kahayag
ang halok sa kinabuhi
Ihatag nako sa tanan.

Ang akong mga kamot
bilbil, bukton ug ang buhok
nga nagdagayday.

Ilabay nako ang akong dunggan
apan ibilin ang tiil ug paa aron
makaabot ko padulong nimo.

Alang sa gamayng’ kahayag
Gakson ko ang panganod aron
Makalingkawas ang adlaw--

Naglumlom kay nagguol
Sa naglatagaw nga bulan
Sukad siya gibiyaan.


-- MARIA VICTORIA BELTRAN
Cebu City, Philippines