si san simeon del desierto nakighinabi sa iyang kaugalingon

ang dili nato makita
sulod kanato
mao ang tinuod tang pagkatawo

karong buntaga samtang nag-ampo kita
nga nagpiyong
sama sa naandan

nakigharong kita sa masulob-on
tang pagsalikway
sa kalibotan

ug sa kadaotang naghari
sa tanang suok niini
sigon sa mikaylap nga balita

apan karon mismo
ania kita dinhi
way paglaom nga unta sa kapulihay

masayran nato
unsaon pag-ila nga lahi ang langit
ug ang kagabhion

diin sa kanunay
hipalgan ta ang atong mga kamot
nga nahisaag sa kangitngit


-- VICENTE VIVENCIO BANDILLO
Dubai, United Arab Emirates