wali

Migawas ang pastor
gikan sa iyang de-aircon
nga simbahan. Sa dalan,
iyang gisibya ang balaang mga letra:
"Dangop kamo sa Ginoo
aron di kamo ma-barbecue
didto sa impiyerno!"
Naay nanguhit niya sa luyo.
Sa iyang paglingi, nabuhian niya
ang iyang bibliya.
Usa ka lalaking nagkamuritsing
ug way sapot ang mitapot
sa iyang mga mata, nangutana:
"Kinsa ang Ginoo? I-ikaw sa?
I-ikaw sa? Ikaw lagi gyod! ha ha ha!"
Mitubag si pasto og banghag:
"Hoy, demonyo pahawa!"


-- KEVIN A. LAGUNDA
Mandaue City, Cebu, Philippines