ang mga rebolusyonaryo sa malaka

(yukbo sa mga Sama)

Pagkahuman sa masusing pagtuon
Ilang nakita nga nikidlap
Ang mga panagway nilang Pramoedya ug Thorstein
Uban sa mga bituon sa langit.
Sa kinapusoran sa kagabhion.
Lulan sa bag-o nga caracoa
Ang pito ka mga armadong bayukero
Nipaingon sa Malaka.
Klik!
Pag-abot nila sa Sibuto
Ilang giitsa ang baratohong ulo
Sama sa simbolo
Ang baratohong lawas
Sama sa metapora
Ug ilang gipakaon sa mga iho
Ang tanang barat nga bahin
Sa ilang gitagodtagod
Nga barat nga sinakmit
Sa puting lapyahan sa Palawan.
Klik! Klik!
Didto sa ulohan
Sa tulin nga sakayan
Giabli sa usa ka bayukero
Ang diksiyonaryong Bahasa
Gisubli'g basa:
Indo = Eurasian
Sia = waste
Lanun = pirate
Sama = like
Bisa = venom
Saya = I
Bangun = wake up
Gara = move
Klik! Klik! Klik!
Gikak sa mga bayukero
Ang ilang mga dila
Nanagyamyam pangandam
Sa ilang pag-abot sa Malaka.
Nagliadliad ang nagbaga nilang mga dila
Saba = basa
Akub = buka
Malaka = kaalam
Klik!

Boom!

-- LEO BOB FLORES

Bukit Batok, Singapore