hait kaayo

Matag karon ug unya
Bairon nimo imong sanggot
Aron kanunay kining hait
Ug sayon ra, pananglit,

Pag-alip sa ubod sa saging.
Kalipay nimo ang kahayahay

Sa matag handos ug bira
Sa sangot mong kilab pa's liti.
Apan sa imong pagdinalidali
Kalit lang kang niagunto,
Sa kasakit ikaw miagulo
Niluko sa paghulbot nimo
Sa sangot sa balani imong gialip.
Nasayop ka.
Nasayop ka.
Natigbas nimo imong kumingking

Sa wala nga naabis diriyot maputol
Sa sanggot nimong pwerting haita.


-- HAZELEN C. COBOL
Argao, Cebu, Philippines