magbabalak naghulat

Ang pinugngang gininhawa sa alak
Nakapabukal og samot sa dugo nga misaka-
kanaog sa akong utok. Midigo sa kalag ko.
Milisngag ang ilong ko nga misimhot sa
Nagkalipstik nga kopa. Namula ang dagitab
Sa akong mga mata. (Kaganina ra akong
Naglingkod dinhi.
Nag-inusara. Nagtabako og abano.

Naghanduraw. nagyarok og alak sa kagil-as.
Naghinuktok. Ang inagwahan kong amerikana
Gisablay ko didto sa bakanteng silya sa
Atbang.) Matag karon

Ug matag unya. Pasiplatan ko ang mga artista

Didto sa tablado. Mag- itsa-itsa sa ilang mga paa.

Tingog ni Penny Mathison

Mihunob sa kasingkasing ko. Ug
Giipis ko ang akong kahimuot. Gitungab ang
Kahapdos sa pag-inusara. (dinhi sa usa ka
Suok sa usa ka talad sa usa ka night club

Nga wayngalan. Gikahibalag ko ikaw

Usa niana ka paraygong gabii kanus-a naligo

Ang gihilantang diwa ko
sa init nga ulan. kita misayaw piit ug nunot
sa musika sa orkestra).
Karon ako naghulat: O, moabot ka kaha,
Darling ug igat nga Diwanag
Ning gimingaw gihidlaw hubog Magbabalak?

-- MELQUIADITO M. ALLEGO
Palm Harbor, Florida, USA