matag gabii

Tagod-tagoron nako
ang akong kasingkasing
samtang maghinol ko
sa imong singsing.

Matag gabii
kumoton nako
kining akong utok
ug limpyohan
sa mga nagsuksok
nga mga balay
sa lawalawa aron

Matag buntag
ang akong kasingkasing
busog na usab
ug kining utok
nga nagkamuritsing
manalingsing--
duyog kanunay
sa adlaw nga

mahimugso,
mabanhaw.


-- MARIA VICTORIA BELTRAN
Cebu City, Philippines