patagonia

tinaliwad-an ug sinabak sa argentina andes ug atlantika
adunay nagtago tinipigang birheng paraiso
mga walingwaling nangadorno nangortina nanalimbong
sa naghukas mga busay mga sihag negligee

samtang mitampisaw gatinikbong turistang handurawan

mga ihalas mananap ug lumad kalanggaman
nagpahipi sa mga trosong landong ug anino
sa natugawng lasang
buhilamang mangangayam nanuop na

mga pangpang sa isla gilumotlumotan gipunsisokan
sa nasangad mga paraw nabarang mga gapnod
mga gaang sa hunasan mga helmet sa piratang dagat
diyutay nihit pang mga nangahas tunob sa baybayon

dinhi tanan mga donsilya

-- MELQUIADITO M. ALLEGO
Palm Harbor, Florida, USA