utok

Ang kalibotanong kaalam mainit
Nga giumol sa Utok:
Kini unod lamang nga humok--
Ang matag dangaw sa iyang
Lawas mahunit
Tipik sa kabililhon
Kay kon magaras, mosimang
Ang pulso sa ginhawa.
Ang mga bul-og sa dugo
Nga nanuhutsuhot
Sa kaugatan, mosuyla:
Kon ang mga ugat nga
Nagdugtong sa Utok
Ug Kasingkasing mabugto--
Dihadiha, kamatayon mobaha
Molampas sa Lanot nga utlanan...
Ang Utok tag-iya sa Gugma;
Di ang kasingkasing nagpitik:
Ang cerebro maoy mga mata
Nga makatugkad sa mga tinagik--
Tanang pagbati ug lihok
Hinukad sa gamhanang Utok;
Kini labing bililhon, angayng
Ampingan, kay maoy pandayan
Sa hait nga Salabotan.


-- MELQUIADITO M. ALLEGO
Palm Harbor, Florida, USA