12.15.2008

kang jonathan, nga gilisdan paghimog balak kay kuno dili lawom ang iyang binisaya
















Bay Jon, ang nindot nga balak baya
Naglikayg lawom nga Binisaya.
Dili sab ni kinahanglang sabton.
Bastante na nga kini bation.

Kon ang naas atong hunahuna
Dili dayon mogawas sa dila,
Kini tugod kay angay pang subhan
Ug pabugnawon sulod sa dughan.

Ug ayawg likayi ang kaguol
Dawata gyod ni tuman sa puol—
Kon ang kaguol imong dawaton
Seguro kong ikaw gul-an dayon.

Ay! Pasagdi lang kon matod nila
Wa kunoy hinungdan ning balaka
Kay intawon hilaw apan pan-os.
Di ba, nimo pa, ang balak, tulos?


-- VICENTE VIVENCIO BANDILLO
Dubai, United Arab Emirates
at

6 comments:

  1. rsbDecember 15, 2008 at 6:46 AM

    saon na lang...

    basin naluspad na si jonathan
    kay karon siya nagawsan

    nanimahong labana
    langto nga balak...

    ReplyDelete
  2. rsbDecember 15, 2008 at 6:47 AM

    langtong balaka
    langto jud

    ha ha ha

    ReplyDelete
  3. Hazel C. CobolDecember 15, 2008 at 7:18 AM

    hahaha~
    wa gyod koy ikasulti
    ambot nalang
    bulas man kaha
    basin ug wa pa ganahi.
    maong wa pa muguwa.

    ReplyDelete
  4. alig-igDecember 16, 2008 at 1:26 AM

    Hi, Ric, langto mo lang. Sa magbabalak, ang kagul-anan ug kagawasan way kalainan ha ha ha.

    ReplyDelete
  5. alig-igDecember 16, 2008 at 1:39 AM

    hi, angelnjuly. mao niy problema kay nagdako ang gana pero way miguwa nga lana ha ha ha.

    ReplyDelete
  6. UnknownDecember 22, 2008 at 4:40 AM

    haha. oi, salamat sa tambag Sir Butch. Ingana diay na aron dali magawsan..haha.
    magawsan ug maayong pamalak.

    Ang akong pagbinisaya unta parehas ka instinctive ug lawasnon.

    ReplyDelete