12.02.2008

patulo sa tago
















Day, idungan nako
ang akong paghilak
sa akong pagkatulog.
Kanang mingaw na aron
ang kangitngit mao ra
ang lunlon makasaksi
sa akong pagbakho
pakapinan sa pagtulo
sa akong sip-on.

O di ba kaha, day,
mas maayo unya na lang
ipabuhagay ang luha
sa akong pagkaligo?
Aron kon mamuwa
ug manghubag akong mata
kadtong mangutana
igo ra dayon nakong
tubagon: "Wa ra ni, uy!
Nasudlan ra ni'g sabon."


-- JONATHAN P. UBALDO
Okayama, Japan
at

4 comments:

  1. Hazel C. CobolDecember 2, 2008 at 7:00 PM

    korek~ tama ka tsung~
    hahaha~
    nakasuway nako ana~
    mau`
    hehe
    nalingaw ko

    ReplyDelete
  2. rsbDecember 3, 2008 at 2:16 AM

    part, di lang nato ikaulaw ang paghilak...

    kon mohilak ko,
    hilak jud.

    dili nako ipamakak
    nga ako nasakitan

    kon magpatulo ko
    ug luha
    kanang mora kog
    nagpatulo sa
    kandila.

    ReplyDelete
  3. BalitawJanuary 2, 2009 at 7:32 AM

    This comment has been removed by the author.

    ReplyDelete
  4. BalitawJanuary 2, 2009 at 7:41 AM

    basta si-aw tago gyud ang hilak,ityabaw lang sa balak:) pls.keep on penning.

    ReplyDelete