sa akong pantawan

Tanang butang moabot

sa akong pantawan
mosulod sa akong kwarto
maglibotlibot sa balay
ug mokagiw agi sa pultahan
ning akong dughan.

Ug takulahaw lang
mawala ang singsing
nga gasa ni Dodong,
ang mahal nga libro
gikan sa National Bookstore,
ang boda sa kasal
ug ang salin sa gisalohang inasal.

Dili ko na lang kaha
ablihan kining pultahan
ug limpyohan kining dughan.

Tukoron ko na lang
ang taas nga bungbong
nga takulahaw lang
imong tumpagon.


-- MARIA VICTORIA BELTRAN
Cebu City, Philippines