tibuok gabii

Naghigwaos ug naglimbaglimbag ko

morag kaluparon diri sa akong katre.

Ang akong pinalangga daw

balahibo sa alimukon, gaan
nga nahinanok sa akong tupad.

Ug naghilomhilom, ibabaw namo diha
sa atop, ang laing binuhat nga duol pod

sa akong dughan ug buot
modulog ning sabakan.

Nibakod ko sa higdaanan apan nibuklad

ang pako sa akong kiliran. Nibalik ko

paghigda, nahimuot sa pasiaw

ning mga langgam.


-- MARIA VICTORIA BELTRAN
Cebu City, Philippines