labyog

Magsuwat ko, ug sa di madugay
ang mga tinta manglupad. Kini

Modasdas padulong sa panganod,
makig-indig sa usa ka tabanog. Susihon

sa akong gamay nga tingog ug tinipigan

nga mga pulong ang mga suok sa hangin.

Ug ang matag letra magpahungaw,
makiglumba sa mga langgam.

Apan dinhi sa yuta ang sumpay sa tinta

gahikot gihapon sa balhibo sa dagang.

Ug sa kataposan naa ra pod nako kon
diin ug asa ko kini ipalabyog sa hangin.


-- CINDY VELASQUEZ
Labangon, Cebu City, Philippines