sa imong hinanaling kamatayon

baliki unya ako
atol sa imong hinanaling kamatayon
anaa lang ako luyo sa imong tinaguang sugilanon
nagpahipi ug naglantaw sa imong paglakaw

palayo kanako

mohilak man ako
apan dili kana pasabot nga mohawid ko nimo
wala koy katungod huptan ang imong

mubong higayon ngari kanako dinhi

sa walay pulos nakong lawak

dunay kay kagawasan
ang ako mao lang ang pagpagikan kanimo
sa akong karon ingon man pagsaad

nga hulaton ko ikaw ugma sa panghinaot
nga saw-an ta pagbalik ang atong kagahapon


-- HAZELEN C.COBOL
Argao, Cebu, Philippines