pagkabanhaw

Dili ka mapukan. Kini mao’y gitug-an
sa mga balili nga karon nanuyhakaw pag-usab
gikan sa larag nilang pagtugyan sa kaugalingon
ilawom sa kabugnaw. Dili ka kinahanglan
nga mohangad pa aron motuo sa gisangyaw
sa wangkig nga mga sanga nga gasugod na
og pangudlot gikan sila gibatogan sa buwitre nga
winter. Ayaw na lang pangutana nganong angay
ludhan ang nanglunhaw sa imong tiilan.


-- MICHAEL U. OBENIETA
Topeka, Kansas, USA