3.20.2009

sa tampi sa kangitngit
















Makan!*
Ang nipukaw sa akong hunahuna
Nga nagpaanod sa sapa sa Singapura
Sama sa hunahuna ni Kaspar Almayer
Kusog ang bul-og sa kape nga tubig
Tungod sa walay hunong nga bundak
Sa ulan sa mga pulong sa akong kasingkasing
Nangapukan ang mga negosyo sa kalibotan
Maoy yamyam sa nagngisi nga newscaster
Nitindog ako alang sa pagbiya sa bugnaw nga kopi tiam*
Nga nagbuntaog sa itom nga sapa
Padulong ang akong mga lakang sa MOM*
Alang sa pagpakansel sa akong employment pass
Dayong butho sa bomber ni Yossarian sa TV
Akong gihikap ang nibugol sa akong agtang
Bugnaw ang puan sa kalibre 22.

_______________________________________________
* Makan: malay og karaang cebuano nga bout pasabot kaon.
* Kopi tiam: ang tawag sa mga kan-anan sa Malaysia ug Singapore
* MOM: Ministry of Manpower sa Singapore

-- LEO BOB FLORES
Bukit Batok, Singapore
at

6 comments:

  1. rsbMarch 20, 2009 at 10:29 PM

    SUS AYAW TAWON KABLITA ANG GATO
    SA KALIBRE .22

    LAMI PA BAYA ANG KINILAW NGA TANGIGI.
    ANG ANINIKAD NGA TINUNOAN
    ANG SINUGBANG BANGUS NGA GIPUTOS SA DAHON SA SAGING

    ANG KAMOTENG KAHOY
    ANG BIKO OG ANG TSOKOLATE...

    LIFE IS BEAUTIFUL... BACK HOME.

    ReplyDelete
  2. juankusganMarch 22, 2009 at 5:09 AM

    catch 22=kalibre 22

    ReplyDelete
  3. alig-igMarch 22, 2009 at 9:08 AM

    Ha ha ha. Daan pa ko. Unya, kinsa may Aarfy?

    ReplyDelete
  4. juankusganMarch 23, 2009 at 2:47 AM

    buhat na sad tag laing balak ani aron naay navigator! ngita sab ta anig babaye nga atong ipalugos har har har!

    ReplyDelete
  5. alig-igMarch 24, 2009 at 2:17 AM

    Michaela = motherland, pwede na!

    ReplyDelete
  6. juankusganMarch 24, 2009 at 9:02 AM

    michaela=motherland. mao ba? pastilan ka wala jud diay nakoy hibangkaagan. apan sagdi lang kay ako ning hinumduman. mao nga sugod karon akong panumpa nga dili nako mo-iyot ug babaye nga michaela ang pangan. har har har!

    ReplyDelete