pagdasig

Vincent, dasiga ang babaye
nga ilang gipanghimaraot. Tugoti
nga ang iyang buhok mahimong
dalag kaayo nga kahayag,
ang iyang palad mga lunhaw
nga dahon ug ang iyang hulagway
himoang sanag pa sa adlaw. Tugoti

nga ang usa ka pahiyom molanog,

mahimong usa ka buhakhak.
Himoa nga ang mga panganod
labing asul pa sa lalom nga dagat.
Patuyok-tuyoka ang mga hangin
sa lainlaing niyang mga bulok
sama sa usa ka bag-ong bangaw
aron dayon makalimot ako kaniya.


-- RIC S. BASTASA
Katipunan, Zamboanga del Norte, Philippines