cinco de mayo: sa unang higayon mipiyong ang las vegas

Dakbayang dimahinanok. Apan sukad sa pag-abot ko

inanayng nanghuy-ab ang mga slot machines.

Mga indayhilay nangluod nagpahilayo sa Boulevard

of Broken Hymen. Ang mga artista nangatulog

sa entablado. Mga hotel nahimong desiyerto. Bakante

ang kadalanan. Ikaw ug ako nagtikawtikaw:

Mga ngabil ug dila ko mialirong ug mitakupo
sa mga atngal mo-- Ikaw mipiyong mapahiyomon.

-- MELQUIADITO M. ALLEGO
Palm Harbor, Florida, USA